khaali Pal aur khaali Aankhein

Khaali sa aasmaan tha,
Khaali sa ek manzar,
Us khaalipan mein har pal bhi,
khaali sa ho raha tha.

Us manzar ke khaalipan ko
sametati meri aankhein mano
ek andha kuan sa tha.

Na koi awaaz thi,
Na koi hulchul,
aise mein to sannata bhi so raha tha.

Us sannate ne ,
us khamoshi ne,
us khaalipan ne,
naa jaaane kab;
meri aankhon mein panah paa li.

na koi kuch kehta,
na koi kuch maangta,
aankhein ..
aankhein to bas manzar ko nishabd ho kar taakti rehti.

fir who ek pal aaya,
jab ek aaina saamne aa gaya,
kuch andar kaid tha;
hubuhu mujh jaisa;
par naa jaane kyon bilakhne aur bikharne to taiyyar.

aankhein bas us ek parchaayi ko na sama paayi,
shayad jisne sabko sama liya;
khudi mein who doob rahi thi;
andhe kuye mein bhi naa jaane kaise; paani sa aa gaya.

jo kuch tha; behne laga,
khaalipan;
sannata ;
aur khamoshi sab koi ruksat karne laga .

par fir bhi aankhon mein
us parchaayin ke liye jagah kam pad gayi,
who panah nahi paa sak.

aankhein ab bhi aainey mein taak rahi hain,
sannnata , khamoshi aur khaalipan ne bhi
mujhe khaali kar daala;
jo kuch pal ke liye dost bane fir se akela chhod chale.

samajh nahi aata kaise khud ko poora karu,
yeh jahan aur yeh log,
yeh kayade kaanoon,
yeh rasmein ,kasmein, vaade,
yeh pyaar, dhoke , rishtey,
yeh paap aur punya,
yeh ishwar aur yeh insaaniyat;
sab to aazma liya fir bhi, mein poora kyun nahi hua???

par haan khatm hota lamha shayad mujhe samjh raha hai;
isiliye to intezaaar zaari hai poor hone ka !!